Inspirational shayari!!!
November 25, 2008tera zikr bhi aayega is fasanne mai!!!
November 25, 2008Bas ek jhijhak hai yahi haal e dil sunane mein
Ke tera zikr bhi aayega is fasaane mein
Baras padi thi jo rukh se nakaab uthane mein
Wo chaandni hai abhi tak mere gareeb khane mein
Isi mein ishq ki kismat badal bhi sakti thi
Jo waqt beet gaya mujh ko aazmane mein
Ye kah ke toot pada shaakh e gul se aakhiri phool
Ab aur der hai kitni bahaar aane mein
Aaina kyu na doon ke tamasha kahe jise — Mirza Ghalib
November 25, 2008Aaina kyu na doon ke tamasha kahe jise
Aisa kaha se laau ke tujhasa kahe jise
Hasrat ne la rakha teri bazm-e-khayal me
Guldasta-e-nigaah suveda kahe jise
Phoonka hai kisne goshe mohabbat mein aye khuda
Afasuun-e-intazar tamanna kahe jise
Sar par hajum-e-dard-e-garibi se daliye
Wo ek musht-e-khak ke sahara kahe jise
Hai chashm-e-tar me hasarat-e-diidar se niha
Shauq-e-ina gusekhta dariya kahe jise
Darakar hai shiguftan-e-gul haye aish ko
Sub_h-e-bahar paba-e-miina kahe jise
“ghalib” bura na man jo vaiz bura kahe
Aisa bhii koii hai ke sab achchha kahe jise
Dil mein na ho jurrat to mohabbat nahi milti — Nida Fazli
November 25, 2008Dil mein na ho jurrat to mohabbat nahi milti
Khairat mein itni badi daulat nahi milati
Kuchh log yun hi shehar mein hum se bhi khafaa hain
Har ek se apni bhi tabiyat nahi milti
Dekha tha jise maine koi aur tha shaayad
Wo kaun hai jis se teri surat nahi milti
Hanste huye chehron se hai baazaar ki zinat
Rone ko yahan waise bhi fursat nahi milti
[zinat=beauty]
Inspiring shayari !!!
November 25, 2008Dhoop mein niklo ghataao mein naha kar dekho
Zindagi kya hai kitaabo ko hata kar dekho
Wo sitara hai chamakne do youn hi aankhon mein
kya zaroori hai use jism banaakar dekho
pattharo mein bhi zubaan hoti hai dil hote hain
apane ghar ki dar-o-deewaar saja kar dekho
faasla nazaro ka dhokha bhi to ho sakata hai
Wo mile ya na mile haath barha kar dekho
Aur bhi gham hain zamane meiN mohabbat ke siwa –Faiz Ahmed Faiz
November 25, 2008
Mujh se pahli si mohabbat, mere mahaboob, na maang
maine samajha tha ke tu hai to daraKshaaN hai hayaat
tera gham hai to gham-e-dahar ka jhagaDa kya hai
teri surat se hai aalam meiN bahaaroN ko sabaat
teri aankhoN ke siwa duniya mein rakhaa kyaa hai
tu jo mil jaaye to taqadir nigon ho jaaye
youn na tha, main ne faqat chaahaa thaa youN ho jaae
aur bhi dukh hain zamaane meiN mohabbat ke siwa
raahaten aur bhi hain vasl ki raahat ke sivaa
mujh se pehali si mohabbat, mere mahabuub, na maaNg
anginat sadiyoN ke taarik bahimaanaa talism
resham-o-atalas-o-kimkhaab se saje jism
khaak meiN lithaDe hue khooN meiN nahalaaye huye
jism nikale hue amaraaz ke tanavvuroN se
pip bahati hui galate hue naasu=uroN se
laut jaati hai idhar ko bhi nazar kyaa kije
ab bhi dilakash hai teraa husn, magar kya kije
aur bhi gham hain zamaane meiN mohabbat ke siwa
raahateiN aur bhi haiN vasl ki raahat ke sivaa
mujh se pahali si mohabbat, mere mahabuub, na maaNg
shaam dhale !!!
November 25, 2008Chali aati hain dabe paaon teri yaaden shaam dhale
ke hoti hai chiragan dil ki mehfil shaam dhale
Huye tum kin raahon ke musaafir,itna to bata dete
ke laut aate hain panchi bhi ghar ko shaam dhale
Tere intezaar mein yoon har roz jhilmilati hain aankhen
ke jaise mazaar pe jalta hai koi diya shaam dhale
Laut aaye na kahin takra ke arsh se duaa meri
dil se aati hai aksar ye sadaa shaam dhale
Teri doori ka gham sataata rehta hai mujh ko
tujh bin udaas si hoti hai fazaa shaam dhale
Teri yaadon se bandhi rehti hai dil ki dharkan
har dharkan se tere naam ki aati hai sadaa shaam dhale
Din ka koi pal bhi teri yaad se ghaafil nahi hota
teri kami ka magar hota hai ehsaas shaam dhale
Teri yaadon ke bina!!!
November 25, 2008ik pal nahin jab tumhe humne pukaara nahin
agar aap jeete hain to main haara nahin
maine abhi aapka gam dil se utaara nahin
kashti bhi hai maajhi bhi hai,kinaara nahin
aansu hai mera ye koi toota hua taara nahin
is bhari duniya mein apna koi sahaara nahin
wo aa ke poonchh den aansu hamari aankhon se
itna bhi hamare haq mein naseeb hamara nahin